Albion Rrahmani është duke shkëlqyer në Rumani me fanellën e Rapid Bukureshtit.
Së bashku me Rrahmanin te kjo skuadër po shkëlqejnë edhe Ermal Krasniqi dhe Florent Hasani, tre futbollistë të lindur dhe rritur në Kosovë, shtet që Rumania nuk e njeh pavarësinë e saj.
Rrahmani shkëlqeu edhe mbrëmë, ku realizoi gol në fitoren e Rapid Bukureshtit 2-0 ndaj FC Hermannstadt, derisa golin tjetër e realizoi Ermal Krasniqi.
Rumania nuk e njeh pavarësinë e Kosovës, por shpesh herë Rapidi ka postuar në rrjetet sociale flamurin e vendit tonë në nderë të futbollistëve kosovarë që ka në radhët e veta.
Në sfidën e mbrëmshme të pranishëm në stadium ishin edhe familja e Albion Rrahmanit.
Babai i Albionit, Driton Rrahmani një ish-futbollist kosovar me vete kish marrë edhe flamurin e Kosovës.
Në momentin e golit të Albionit, Driton Rrahmani festoi duke ngritur lartë flamurin e Kosovës dhe kjo gjë nuk i ka pëlqyer në stadium.
Mediumi rumun ‘DigiSport’ ka raportuar se menjëherë reaguan personat kompetentë duke i kërkuar Driton Rrahmanit ta largojë flamurin.
Gjithsesi nuk vonoi shumë dhe babai i Albion Rrahmanit e hoqi flamurin duke i kërkuar falje pasi nuk ishte qëllimi për të provokuar. /Telegrafi/
Laporta: Refuzova 250 milionë për Yamal
Begaj viziton arbëreshët e Italisë: Do të mbetet një kujtim ...
Ancelotti tregon haptas se a do të bëjë Real Madridi ndonjë ...
“Trepça” dërgon padi ndaj një ish-punëtori, thot...
Vrasja e kreut të Hamasit, reagon Hezbollahu: Do ta përshkal...
Ursula von der Leyen javën tjetër në Kosovë